|
|
Title Seo a chuirm 's am bheil an lànachd |
Seo a chuirm 's am bheil an lànachd Cuirm a bheir do 'r 'n anam slàinte Nithean blasda do ar càil A theid na's fhearr troimh'n t-siorruidheachd O seo a chuirm 's am bheil an lànachd Fion cho annasach 's cho sàr-mhaith 'S ged a bhiodh sinn sgìth is màirneal Chuireas lùgh 's a h-uile pàirt 'S a nì ar ceum na's guanaiche O seo a chuirm 's am bheil an lànachd Sùgh cho fallain is cho brìghmhor Bheir dhuit neart air slighe sgìtheal 'S gheibh thu fàilt' o Mhac an Rìgh A bheir dhuit trusgan fìnealta O seo a chuirm 's am bheil an lànachd Có a dh'ullaich dhuinn a chuirm seo? Esan anns na chur sinn muinghinn 'S ann ann a thà'm fear-tighe suilbhir 'S E nach maoidh na chórdas ruinn O seo a chuirm 's am bheil an lànachd Fion cho tlachdmhor ann a mhìlseachd Cùbhraidh, pailt, air bhlas na cìr-mheal' 'S mhol na dh'fhiach e anns gach lìnn 'S cha chosg e fiù an fheorling dhuinn O seo a chuirm 's am bheil an lànachd Faodaidh tu do chorp a lionadh Uair is uair ma tha thu'g iarraidh Cha d'fhuair thu riamh na's fhearr 'son d'iot 'S cha dean e cron gu siorruidh ort O seo a chuirm 's am bheil an lànachd Aig a chuirm bi moran cómhla 'S fiach nach tig thu ann na d'ònrachd Cuireadh fialaidh 's àit gu leòr 'S na fan air falbh le d' ghòraiche O seo a chuirm 's am bheil an lànachd Tha beathachadh 's a h-uile pàirt dheth Fad air thoiseach air a mhànna Cha tig droch bholadh dheth gu bràth 'S cha mhò na sin a theirgeas e O seo a chuirm 's am bheil an lànachd |
Description Laoidh, hymn Mrs Catriona MacDonald was inspired by a sermon preached by Donald Lamont of Culnancnoc a number of years ago. Though she has not recorded when, Mrs MacDonald believes that perhaps it was preached sometime during the 1990s. | |
Composer Catriona MacDonald | |
Sloinneadh | |
Biography from 2 Glas pheighinn has published two books of her own hymns. They are entitled Sgeul na Reite and Na Bannan Graidh. | |
Source | |
Date |