|
|
Title Toll Iain Ruaidh |
'S hi ho ro 's na ho ro bho 'S ann an sin bha'n còmhlan truagh Bha maighdeanan is oigearan Le bolaich is le fuaim Daoine móra sonraichte Tighinn oirnn bhon deas 's bhon tuath Nuair a chual' iad mun an doimhne Bha 's an toll a rinn Iain Ruadh Thubhairt Ealasaid na Buaile 'S i fo ghruaimean anns an am Ma thachras dhomh gum pòs mi chaoidh 'S gun toir 'n Ni maith dhomh clann 'S mór m'eagal mura duin thu 'n toll Gun téid gach aon dhiubh chall. Bha Banntrach Dhòmhnaill cho eagalach 'S i caoidh gach là is oidhche' 'S i 'n dùil gur e na h-Eidealtaich Bha tighinn a nall ga ruaig' Air leth gun d'rinn iad tòiseachadh Air tuill an cliathaich bruaich Mar bh'ac' an Etiopia A' glacadh móran sluaigh. Leig Seonaidh Beartaidh éibheach às Is thubhairt e 'ain Ruaidh Cuir thusa mullach làidir air Is iarann àrd mun cuairt Ach beathach leams' a bhathar ann 'S gu h-àraidh a bhò ruadh Na dì-chuimhnich a nàbaidh chorr Gum paigh thu dhomhs' an luach. Bha dotairean is bailidhean An clabair toll na bruaich Is fhuaras gnothach araidh ann A bha glé àluinn uair Bha pùtan ann is tearnan air An caradh ann an cuaich Is bocsa làn de shnathadan Bh'aig bodach bàn nan sguab. |
Description Composer is unknown | |
Composer | |
Sloinneadh | |
Biography | |
Source Seonag MacDonald from Valtos | |
Date |